Wolkom yn it Heuvellân, it hert fan Súd- Limburch. De prachtige natoer, ieuwenâlde kastielen, mergelgrotten, gesellige terraskes, in skatkeamer oan histoarje, kultuer en argeology, smûke ythúskes, freonlike minsken en . . . . . de ymposante natoergebieden Eifel en Ardinnen – op koarte ôfstân – biede in ryk ferskaat oan ûntspanningsmooglikheden.

Gastfrij Epen . . . . .  in doarp mei 1100 ynwenners. It leit oan it snelrinnende rivierke de Geul en is in wier kuier-eldorado. En mochten jo fan ôfwikseling hâlde . . . . . sit net yn noed!  Yn in healoerke binne jo mei de bus of auto yn nijsgirrige stêden as Maastricht, Aken en Luik.
Idyllyske plakjes . . . . . De typyske fakwurkhuzen yn de ferstilde buorskippen en de boskrike hellings binne de krinten yn de brij fan in gebied mei ûnbegrinsde kuier- en fytsmooglikheden. Meitsje in rit mei in stoomtrein of besykje it grutste labyrint fan Europa – op it heechste punt fan Nederlân.  Gean simmers in kearke te skiën op in yndoorbaan, mar genietsje ek fan de lytse fijne dingen sa as werkôgjende kij yn ‘e greide. Epen, de natoerskatkeamer fan it Heuvellân, biedt ûnbeheinde mooglikheden yn in lân sûnder grinzen ! 

Graach advisearje wy ús gasten oer de fierdere mooglikheden.